Presidenti rus Vladimir Putin u takua për herë të parë me presidentin e sapozgjedhur të Ukrainës Petro Poroshenko, duke kërkuar një armëpushim të menjëhershëm në Lindje të Ukrainës.
Putin mirëpret qëllimin e Poroshenkos për t'i dhënë fund gjakderdhjes në lindje të Ukrainës, si dhe për zgjidhjen e krizës në mënyrë paqësore.
Ndërkohë, shefi i Kremlinit mohoi përfshirjen e Moskës në luftime në lindje të Ukrainës. Ai theksoi se Moska është e gatshme për diskutim konstruktiv me Ukrainën për shlyerjen e borxhit të gazit rus.
Takimi i Putinit me Poroshenkon u bë të njejtën ditë kur lideri rus zhvilloi një takim jozyrtar me presidentin amerikan Barak Obama gjatë ceremonisë me rastin e "D-Day" në Francë.
Marrëdhëniet mes SHBA-së dhe Rusisë u tendosën me fillimin e shpërthimit të krizës ukrainase në fillim të vitit. (Albana)