Konfliktet e ashpra mes forcave qeveritare dhe atyre opozitare vendore në disa qytete të rajoneve Luhansk dhe Donetsk në lindje të Ukrainës, vazhdojnë të përshkallëzohen.

Denis Pushlin, i vetë-deklaruar kryetar i Sovjetit Suprem të Republikës së Donetskut, u shpreh të mërkurën se trupat qeveritare kanë hapur zjarr ndaj një spitali në Donetsk, duke shkaktuar 25 të vdekur. Sipas milicisë vendëse, një aeroplan gjuajtës ka bombaduar më herët Donetskun, si pasojë e të cilit humbën jetën 18 vetë, mes të cilëve 10 qytetarë të thjeshtë.

Në të njejtën ditë, kryetarja e Këshillit të Federatës Ruse, Valentina Matviyenko i kërkoi Ukrainës të ndalë veprimet ushtarake në rajonet juglindore. Ministri i jashtëm rus Sergei Lavrov deklaroi se mosnjohja dhe armiqësia e Perëndimit ndaj Rusisë shprehet me mosmarrëveshjet mes dy palëve, çka pasqyrohet në çështjen e Ukrainës. (Wang Xianya)