Rusia, Ukrania dhe BE-ja, zhvilluan të hënën në Bruksel raundin e 4-të të bisedimeve, ndonëse nuk arritën ndonjë konsensus, lidhur me çmimin e gazit natyror.

Sipas deklaratës së publikuar pas bisedimeve, ky raund u zhvillua pas konfirmimit nga kompania ruse "Gazprom" se ka marrë këstin e parë prej 786 milionë dollarësh nga Ukraina, për gazin natyror.

Marrëveshja tripalëshe konsiston në faktin që Rusia nuk do të ndërpresë furnizimin me gaz natyror të Ukrainës, që Ukraina nuk do të kryejë parapagimin në muajin qershor dhe se asnjëra palë nuk do t'i drejtohet Gjykatës së Arbitrazhit në Stokholm. Ndërkohë u bë e ditur se palët do të vazhdojnë bisedimet lidhur me këtë çeshtje.

Deri tani janë zhvilluar 4 raunde bisedimesh mes Rusisë, Ukrainës dhe BE-së, lidhur me pagimin e borxhit të Ukrainës ndaj Rusisë për blerjen e gazit natyror,në tutelën e BE-së. (Fang Xiaoyu)