Exit poll-et në Ukrainë tregojnë se tycoon-i Petro Poroshenko ka fituar një mazhorancë absolute në zgjedhjet presidenciale.

Tre sondazhe i japin Poroshenkos midis 55 dhe 57 për qind të votave, shumë më përpara ish-kryeministrja Yulia Tymoshenko e cila renditet në vendin e dytë me vetëm 12 për qind të votave.

Nëse këto rezultate konfirmohen sot, nuk do të ketë nëvojë për një raund tjetër muajin e ardhshëm.

Rreth 35 milionë ukrainas u thirrën në zgjedhje të dielën në 34,000 qendra votimi në të gjithë vendin, përveç Krimesë.

Grupet e opozitës në pjesën lindore të vendit në rajonet Donetsk dhe Luhansk bllokuan votimin. (Leftion Peristeri)