Kreu i Shtetit i Kinës Xi Jinping u takua të hënën me homologun e vet taxhikistanez, Emomali Rakhmonov.
Gjatë takimit, Xi tha se Kina përkrah gjithmonë stabilitetin e Taxhikistanit, dhe vitin e kaluar, pas themelimit të partneritetit strategjik midis dy vendeve, marrëdhëniet dypalëshe kanë hyrë në një fazë të re. Ai shtoi se prirja e bashkëpunimit në fusha të ndryshme është shumë pozitive. Të dyja palët do të nxisin projektin për ndërtimin e tubacioneve të gazit natyror Kinë-Azi Qendrore, do të punojnë për përmirësimin e ndërtimit të infrasturkturës në kalimin kufitar, si dhe projekte të tjera për promovimin e kulturës, arsimit, turizmit etj.
Nga ana e tij, Emomali tha se Taxhikistani është i gatshëm të konsolidojë më tej bashkëpunimin me Kinën, të thellojë marrëdhëniet e partneritetit strategjik dhe do të bëjë çdo përpjekje për ndërtimin e gazsjellësit Kinë-Azi Qendrore, në të mirë të përmirësimit të jetesës për banorët e dy vendeve. (Fang Xiaoyu/Albana)