U prezantua në Los Angelos kolona zanore e Kampionatit Botëror të Brazilit. Ajo është një bashkëpunim i Aloe Blacc dhe finalistit të programit "X -Factor" në ShBA, David Correy.
Kënga e prezantuar në një aktivitet të posaçëm në Los Angelos, mban titullin "The World Is Ours".
Këngëtari David Corey thotë se puna për këtë kolonë zanore e ndihmoi të kuptonte se sa mund të bënte ai me muzikën.
"Kur kënga jote qarkullon në aq shumë vende nuk besoj se ka gjë tjetër që mund ta bëjë një këngëtar të rritet. Tani ndihemi shumëkluturor. Më është dhënë një shans të kuptoj disa gjëra për të cilat nuk do të kisha mundësi nëse nuk do të këndoja për kupën e botës. E kam fjalën për versionin egjiptian, indonezian apo kolumbian. Është e gjitha e pabesueshme, një mundësi për të njohur kultura të ndryshme muzikore. Po bëhen një artist më i mirë çdo ditë," thotë Corey. (Leftion Peristeri)