Qeveria kineze ka reaguar pas blatimit të një peme nga kryeministri japonez Shinzo Abe për tempullin "Yasukuni".
Zëdhënësi i Ministrisë së Jashtme të Kinës, Chin Gang.
"Japonia duhet të reflektojë mbi historinë e vet të agresionit. Distancimi nga militarizmi i së kaluarës është një bazë e rëndësishme politike për marrëdhëniet kino-japoneze. I bëjmë thirrje Japonisë të mbajë një qëndrim korrekt ndaj historisë dhe të ndalojë aktet provokuese. Japonia duhet të punojë për të fituar besimin e fqinjëve të saj dhe të komunitetit ndërkombëtar nëpërmjet veprave konkrete."
Shinzo Abe bëri blatimin për tempullin "Yasukuni" në ditën e parë të Festës 3-ditore të Pranverës në Japoni.
Kjo lëvizje erdhi në prag të vizitës këtë javë në Japoni nga presidenti amerikan Barak Obama.
SHBA-ja ka kritikuar veprimet e mëparshme të qeverisë japoneze në lidhje me çështjen e "Yasukuni"-t, duke theksuar se vizitat në këtë tempull vazhdojnë të dëmtojnë marrëdhëniet në rajon.
Koreja e Jugut ka dënuar gjithashtu blatimin nga Abe.
"Yasukuni", i cili nderon japonezët e vdekur në luftë, duke përfshirë 14 kriminelë lufte të klasit A, konsiderohet si një simbol i militarizmit japonez. (Albana)