Ministria e Jashtme e Kinës përshëndeti të premten qëndrimin pozitiv të presidentit rus Vladimir Putin mbi marrëdhëniet dypalëshe.

"Nën drejtimin e krerëve të të dy vendeve, marrëdhëniet Kinë - Rusi kanë dhënë rezultate të frytshme," tha zëdhënësja Hua Chunying.

Duke njoftuar vizitën e presidentit rus Putin në Kinë në muajin maj, Hua shtoi se Pekini pret nga takimi i ardhshëm i dy liderëve, rritje të mëtejshme të nivelit të lartë të besimit politik dhe bashkëpunimit praktik.

Marrëdhëniet Kinë - Rusi kanë si thelb "mungesën e aleancës, konflikt dhe agresionin kundër ndonjë vendi të tretë," duke vendosur "një bazë të shëndoshë" për marrëdhëniet dypalëshe, e duke i bërë ato më të qëndrueshme e dinamike, tha Hua, duke shtuar se partneriteti Kinë – Rusi është një model i bashkekzistencës paqësore dhe i fqinjësisë miqësore mes vendeve të mëdha.

Duke bashkëbiseduar me qytetarët rusë në direkt në televizion të enjten, Putin tha se bashkëpunimi me Kinën, përfshirë atë në çështjet ndërkombëtare, "është i një niveli të paparë." (Çang Çuo/Leftion Peristeri)