Autoritetet e Koresë së Jugut thanë se ishte oficer i tretë dhe jo kapiteni, duke drejtuar tragetin që u mbyt të mërkurën, duke e lënë afro 300 të vdekur e të humbur.
Prokurori Park Jae-eok, tha se kapiteni duhej të ishte në kabinë. "Fakti është se ai nuk ndodhej aty," tha Park.
Raportohet gjithashtu se kapiteni ka vonuar me gjysmë ore evakuimin e anijes, pasi një zyrtar i transportit kishte dhënë urdhër për të. Njoftimi në fjalë nga ngritur pyetjen nëse një veprim më i shpejtë do të kishte shpëtuar jetët e pasagjerëve.
Kërkimet vazhduan edhe të premten, por zhytësit kanë qenë të ngadalshëm pasi janë penguar nga rrymat e forta detare dhe moti i keq.
Ndërkohë Ambasada kineze konfirmoi se katër shtetas ndodheshin në bordin e anijes. Deri tani janë shpallur zyrtarisht të vdekur 28 vetë dhe 260 të tjerë të zhdukur. 48-orë pas aksidentit shpresat për gjetjen e pasagjerëve të gjallë po shuhen shpejt. (Leftion Peristeri)