Në Samitin e tretë të Sigurisë Bërthamore që hapi punimet dje në Hagë të Holandës, presidenti kinez Xi Jinping, shpjegoi qasjen e vendit të tij ndaj sigurisë, ndërsa bëri thirrje për bashkëpunim ndërkombëtar për përmirësimin e sigurisë dhe zhvillimin.

Në fjalimin e tij, Xi nënvizoi se zhvillimi i energjisë bërthamore, pa garantuar më parë sigurinë nuk mund të jetë i qëndrueshëm dhe as do të sjellë zhvillim real, duke kërkuar gjithashtu bashkëpunimin ndërkombëtar për zgjidhjen e problemeve.

Xi u kërkoi të gjitha vendeve për të përmbushur detyrimet e tyre në bazë të instrumenteve ligjore ndërkombëtare të sigurisë bërthamore, duke zbatuar rezolutat e Këshillit të Sigurimit të OKB-së.

Në samitin me temë "Forcim i Sigurisë Bërthamore dhe Parandalimi i Terrorizmit" marrin pjesë liderët ose përfaqësues organizatash nga 53 vende. (Zhang Yan/Leftion Peristeri)