Të mërkurën përfundoi në kryeqytetin e Bruneit Bandar Seri Begavan samiti i 23-të e liderëve të vendeve të ASEAN-it. Në deklaratën e kryetarit të publikuar në këtë samit ritheksohet rëndësia e mbrojtjes së paqes, stabilitetit dhe sigurisë në detin e Kinës Jugore.
Deklarata vë në dukje se liderët e vendeve të ASEAN-it diskutuan në samit lidhur me gjendjen në detin e Kinës Jugore, duke premtuar zgjidhjen e mosmarrëveshjeve sipas parimeve të "Deklaratës së qëndrimit të palëve lidhur me detin e Kinës Jugore" dhe ligjeve ndërkombëtare. Në deklaratë shprehet gjithashtu dëshira që të forcohen konsultimet me Pekinin mbi nënshkrimin e "Kodit të sjelljes në detin e Kinës Jugore". (Du/Artani)