Kryeministri Edi Rama siguroi Sekretarin e Përgjithshëm të Kombeve të Bashkuara, Ban Ki Moon, për rolin konstruktiv të Shqipërisë në këtë organizatë. Kreu i qeverisë Rama zhvilloi në Nju Jork një takim të posaçëm me Sekretarin e Përgjithshëm të KB, bën të ditur zyra e shtypit e Kryeministrisë.

Sekretari i Përgjithshëm i OKB përgëzoi kryeministrin Rama për fitoren në zgjedhjet e 23 qershorit, si dhe për përfshirjen shumë të gjerë të grave në kabinetin qeveritar në veçanti.

Gjatë takimit, Rama u ndal edhe në situatën e re të krijuar në Ballkan, pas marrëveshjes mes Kosovës dhe Serbisë,duke theksuar se kjo marrëveshje mbyll një kapitull konfliktesh në Ballkan dhe i hap rrugë një fryme të re bashkëpunimi në rajon.(Nga ATSH)