Zv/komandanti i operacioneve të shpëtimit Zhang Yidu thotë se janë përqëndruar te kërkimet, mjekimi i të plagosurve dhe sistemimi i atyre që kanë mbetur pa shtëpi.
"Puna e parë është kërkimi dhe shpëtimi, pasi 5 persona janë ende poshtë rrënojave. Po përdorim aparatura të posaçme kërkuese. Krahas kësaj, edhe sistemimi i të prekurve është një detyrë e rëndësishme", tha Zhang Yidu.
Pas tërmetit, mbi 1800 ushtarë, policë dhe zjarrfikës, u dërguan në vendngjarje për të ndihmuar mbi 1000 punonjës dhe funksionarë të qeverisë lokale. Komisari i Departamentit të Zjarrfikësve të provincës Gansu, Zhang Cunyi tha se u gjetën 27 banorë të bllokuar, 22 janë plagosur dhe 5 kishin humbur jetën.
"Brenda 72 orëve të ardhshme, operacionet e shpëtimit do të vijojnë pa u ndërprerë", tha Zhang Cunyi.
Për tërmetin (dizhen) që ra në Dingxi, drejtori i stërvitjeve pranë Ministrisë së Sigurisë Publike, Wei Handong tha se me ndikimet e disa faktorëve, si sipërfaqja e gjerë e banesat e vjetra, operacionet e shpëtimit kanë hasur në vështirësi.
"Faktori kryesor negativ për operacionet e shpëtimit është se fshtrat e prekura ndodhen larg njeri-tjetrit. Numri i viktimave është i madh pasi ka patur rrëshqitje toke, gjatë kohës që ra tërmeti. Duke qenë se janë zona të pazhvilluara, aty ka banesa që nuk i rezistojnë lëkundjeve të tokës. Ndërkohë që banesat e ndërtuara me beton dhe çimento nuk janë dëmtuar", thotë Wei.
Për të minimizuar dëmet, sektori energjitik dhe ai telekomunikacionit po përpiqen për riparimin sa më parë të linjave të dëmtuara. Deri tani, furnizimi me energji elektrike është vënë në dispozicion të gjysmës së famijeve të prekura. Ndërkohë që janë riparuar edhe rrugët.
Tërmeti që ra në Dingxi deri më tani ka prekur 123 mijë persona. Ministria e Çështjeve Civile vuri në përdorim urgjentisht 10 mijë çadra, 30 mijë batanije, 5 mijë krevatë portativë dhe 10 mijë çanta kampingu. Qeveria lokale në Gansu lëvroi një fond urjgent prej pesë milionë juanësh, duke dërguar materiale ndihme, si ushqim dhe ujë të pijshëm.
(Jiang Lei)
