Kina kundërshton në mënyrë të vendosur orvatjen e Filipineve për të shtuar praninë ushtarake në shkëmbinjtë Renai. Këtë e deklaroi të enjten në Pekin zëdhënësi i Ministrisë së Mbrojtjes Yang Yujun. Ai tha se Filipinet duhet medoemos të ndalojnë veprimet që shkelin sovranitetin kombëtar të Kinës.

Duke iu përgjigjur pyetjeve të mediave mbi çështjen e shkëmbinjve Renai, Yang Yujun u shpreh se qysh nga maji i këtij viti, Filipinet janë përpjekur të ndërmarrin veprime të mëtejshme për të shtuar praninë ushtarake nëpërmjet përforcimit të anijeve të tyre. Ai u shpreh se Manila duhet të mbajë premtimet dhe të ndalojë shkeljen e sovranitetit të Kinës.

Po të enjten, ministri japonez i Mbrojtjes Itsunori Onodera zhvilloi bisedime me homologun e vet filipinas Volter Gazmin (Voltaire Gazmin) mbi bashkëpunimin e të dy vendeve në fushën e mbrojtjes.(Jiang Lei/Artani)