Në lokalitetin Lushan të provincës Sichuan, që muajin e kaluar u godit rëndë nga një tërmet i madh prej shtatë ballësh, është rikthyer furnizimi i gjithanshëm me ujë të pijshëm dhe energji elektrike. Gjithashtu, është siguruar edhe mbulimi i plotë me shërbime mjekësore i banorëve të këtij lokaliteti.
Bashkia e qytetit Yaan njofton se zona e prekur nga tërmeti ka hyrë në periudhën kyçe të rindërtimit. Deri në pasditen e së dielës, janë sistemuar afro 730 mijë banorë. Të gjitha shkollat e lokalitetit Lushan kanë rifilluar mësimdhënien. Gjithashtu, kanë rinisur punën edhe shërbimi ambulator dhe institucionet mjekësore të këtij lokaliteti. (Vera/Artani)