Kina ka nisur reformën institucionale që po prezantohet gjatë punimeve të sesionit të parë të Asamblesë Kombëtare Popullore.

Wang Feng, zv-ministër i Zyrës së Komisionit Shtetëror për Reformën e Sektorit Publik, u tha medieve se çelësi i reformës është ndryshimi i funksioneve.

Synimi është që të forcohet dhe të përmirësohet makro-administrimi i qeverisë, si dhe të zbatohen 4 kompetencat kryesore në rregullim ekonomik, mbikëqyrjes së tregut, administrimit shoqëror dhe shërbimeve publike.

Lidhur me reformën ndaj Ministrisë së Hekurudhave, Wang Feng u shpreh se ky ndryshim i shërben hekurudhave për t'u futur në treg dhe për të formuar një rrjet funksionimi me investime të shumëllojshme.

Reforma e ndan kompanitë nga institucionet organet shtetërore. "Kompanitë nxiten të krijojnë sistemin e tyre modern dhe të nisin sa më parë procesin e financimeve, tha Wang.

Lidhur me kombinimin e Administratës Shtetërore të Publikimeve dhe Administratës Shtetërore të Radio Film Televizionit, Wang Feng u shpreh se ky është një hap shumë i rëndësishëm. "Duhet të shohim me kujdes para se të vazhdojmë kombinimin e mëtejshëm me Ministrinë e Kulturës," thotë Wang, duke shtuar se reforma institucionale është një proces gradual dhe nuk bëhet menjëherë. (Jiang Lei/Leftion Peristeri)