Lidhur me të ashtuquajturin "përdorim të radarit të shënjimit nga anijet mbikëqyrëse kineze ndaj anijeve japoneze" të pretenduar nga Tokioja, zëdhënësja e Ministrisë së Jashtme të Kinës Hua Chunying u shpreh të enjten në Pekin se spekulimet me informacione të rreme janë një veprim i papërgjegjshëm. Kina kërkon që pala japoneze të shfaqë sinqeritet dhe të respektojë të vërtetën.

Kryeministri japonez Shinzo Abe u shpreh të mërkurën në një sesion të Senatit japonez se është e vështirë të parashikohet qëllimi i përdorimit të radarit të shënjimit nga anijet e Marinës Luftarake kineze ndaj anijeve japoneze. Ai bëri thirrje që të krijohet sa më parë një sistem i kontakteve dypalëshe për çështjet detare, për të parandaluar ndodhjen e incidenteve të tilla. Ndërkohë, shumë media japoneze publikuan po atë ditë fotografitë e së ashtuquajturës "ndjekje" nga anijet kineze të anijeve japoneze të peshkimit, duke thënë se "po të hapej zjarr, anijet do të fundoseshin dhe peshkatarët do të humbisnin jetën".

(Çan Jean)