Zëdhënësi i Ministrisë së Punëve të Jashtme të Kinës, Hong Lei, u shpreh të premten në Pekin se Kina dhe Japonia janë fqinjë të rëndësishëm për njëri-tjetrin dhe qeveria kineze i kushton rëndësi zhvillimit të marrëdhënieve dypalëshe. Ai shtoi se zbatimi i parimeve në bazë të 4 dokumenteve politike midis Kinës dhe Japonisë është i rëndësishëm dhe se të dyja palët duhet të kapërcejnë vështirësitë dhe duhet të nxitin marrëdhëniet strategjike dypalëshe. Ai shpresoi se pala japoneze do të bëjë përpjekje konkrete, duke shtuar se qëndrimi i Kinës për ishujt Diaoyu është i qartë dhe konsekuent. Kina kërkon që pala japoneze të mos ndërmarrë veprime që mund të shkaktojnë përshkallëzim të situatës. (Du/Albana)