Disa djem nga Librazhdi, gdhendës të gurit, kanë vendosur të bëjnë një mozaik me flamurin tonë kombëtar me rastin e 100 vjetorit të Pavarësisë.
Ky mozaik do t'i dhurohet kryeqytetit për 100 vjetorin e pavarësisë.
Djemtë thonë se kanë punuar 16 orë në ditë për rreth 4 muaj për të përfunduar këtë vepër shumë të veçantë.
Ata do e transportojnë këtë mozaik me karrocë me rrota druri drejt Tiranës ashtu sikurse udhëtoi Ismail Qemali rreth një shekull më parë drejt Vlorës, raporton "balkanweb". (Ardi Pulaj)