Politikanë dhe zyrtarë nga vende të ndryshme të botës kanë përshëndetur përmes mesazheve të urimit zhvillimin e Kongresit të 18-të të PKK-së.
Nënkryetari i parlamentit të Hungarisë Istvan Ujhelyi u shpreh në telegramin e urimit se zhvillimi i Kongresit të 18-të ka rëndësi të madhe për partinë, ndërsa beson se liderët e rinj do të nxisin më tej reformën, hapjen dhe zhvillimin e vendit.
Kryetari i Partisë Socialdemokrate të Malit të Zi Milo Djukanoviç thotë në mesazhin e urimit se ky kongres është një përmbledhje arritjeve të kaluara dhe një mbledhje, ku hartohet zhvillimi i ardhshëm në Kinë.
"Si një aktivitet politik, ky kongres me siguri do të hapë një rrugë më të gjerë për zhvillimin ekonomik shoqëror me karakteristikat kineze. Është nder i jashtëzakonshëm për ne që të kemi një mik si PKK-ja." tha Milo Djukanoviç.
Ish-kryeministri japonez, deputeti Tsutomu Hata dhe deputeti Banli Kaieda dërguan gjithashtu letra urimi.
"Shpresojmë që Kina do të ndërmarrë reforma të reja ekonomike dhe shoqërore dhe do të ruajë rritjen e qëndrueshme." thanë dy politikanët japonezë. (Jiang Lei/Leftion Peristeri)