Pas kongresit të 18-të të PKK-së, Kina do të vazhdojë të forcojë hapjen për mediat radios, filmit dhe televizionit, deklaroi Tian Jin, zv/kryetari i Administratës Shtetërore të Radio-film-televizionit dhe zv/kryetari i zyrës për reformë dhe zhvillim në sistemin kulturor pranë Komitetit Qendror të PKK-së.

Duke iu përgjigjur pyetjes për zhvillimin e mediave kineze në tregun ndërkombëtar, Tian Jin tha se Kina po i kushton rëndësi të madhe bashkëpunimit me radio dhe televizione në Australi dhe ka patur përparime konkrete në këtë drejtim. Për shembull. Shtoi ai, Radioja e Jashtme e Kinës (CRI) ka bashkëpunim të mirë me disa radio australiane. Krahas kësaj, CRI-ja ka marrëdhëniet e mira edhe me televizionet lokale, si Televizion ABC.

"Tani në Australi, mund të ndiqen programet radiofonike dhe televizive në gjuhën angleze dhe kineze, të cilat mund të njohin banorët vendas me politikën, ekonominë dhe kulturën kineze, posaçërisht kanali ndërkombëtar në kinezçe dhe kanali CCTV-news në anglisht i Televizionit Qendror", deklaroi Tian. (Jiang Lei/Leftion Peristeri)