Ndihmësi i ministrit të Jashtëm të Kinës Le Yucheng u shpreh në një forum për çështjen e ishujve Diaoyu se blerja e këtyre ishujve nga Japonia nuk është një ngjarje e rastësishme, por ka lidhje me ndryshimet e klimës së brendshme politike në Japoni. Kjo prirje negative në Japoni po i çon marrëdhëniet kino-japoneze në një drejtim shumë të rrezikshëm.

Z. Le theksoi se forcat e krahut të djathtë në Japoni po e shfrytëzojnë rënien ekonomike dhe paqëndrueshmërinë e brendshme politike si një "mburojë", duke u përpjekur ta shmangin vëmendjen në kontradiktat me vendet fqinje.

Le Yucheng u shpreh se synimi i palës japoneze është që të rishkruajë historinë, por ajo nuk mund ta ndryshojë dot faktin historik të grabitjes së territoreve kineze.

Forumi për çështjen e ishujve Diaoyu u zhvillua të premten në Pekin dhe në të morën pjesë studiues të fushave të ndryshme, përfaqësues të medieve etj.(Vera/Artani)