Përfaqësuesi i përhershëm i Kinës në OKB dhe organizatat e tjera ndërkombëtare në Vjenë, Cheng Jingye, theksoi të mërkurën se rrugëzgjidhja thelbësore për kontradiktat në gadishullin Korean janë bisedimet 6-palëshe, armëpushimi dhe ndërtimi i një sistemi të paqes në këtë rajon.
Cheng Jingye i tha këto në një mbledhje të Agjencisë Ndërkombëtare për Energji Bërthamore (ANEB). Ai shtoi se tani situata në gadishullin Korean dhe Azinë Verilindore është ende e ndërlikuar dhe bisedimet 6-palëshe pothuajse kanë mbetur pezull.
"Mungesa e besimit është burimi i tensionit në këtë rajon dhe vetëm me anë të dialogut dhe bisedimeve të shpeshta mund të krijohet një besim reciprok." thotë Cheng Jingye.
Cheng Jingye u shpreh gjithashtu se Kina është e gatshme që të nxisë, së bashku me vende të tjera, rifillimin e shpejtë të bisedimeve 6-palëshe dhe të luajë rol konstruktiv për një gadishull pa armë bërthamore dhe për një Azi Verilindore të stabilizuar. (Jiang Lei/Albana)