Mbrojtja e sovranitetit të ishujve Diaoyu dhe e interesit të përgjithshëm të kombit kinez është detyrë e përbashkët e bashkatdhetarëve të të dyja brigjeve të ngushticës së Tajvanit. Kështu u shpreh të mërkurën në një konferencë të rregullt shtypi zëdhënësja e Zyrës për Çështjet e Tajvanit pranë Këshillit të Shtetit të Kinës Fan Liqing. Ajo tha se bashkatdhetarët në të dy anët e ngushticës së Tajvanit janë një familje dhe çdo nismë e marrë nga të dyja brigjet do të ketë mbështetjen e vendosur të të gjithë bijve e bijave të kombit kinez.
Znj. Fan theksoi gjithashtu se ishujt Diaoyu janë pjesë territoriale e padiskutueshme e Kinës dhe bashkatdhetarët e të dyja brigjeve të ngushticës së Tajvanit e njohin dhe e mbështetin këtë fakt. Ata ndiejnë zemërim të fortë për farsën e "blerjes" së ishujve Diaoyu nga qeveria japoneze dhe e kundërshtojnë me vendosmëri një gjë të tillë.(Zhan Dian/Artani)