Shefi i qeverisë kineze e bëri këtë deklaratë të martën gjatë fjalimit në hapjen e takimit vjetor të Forumit veror të Davosit, i cili po zhvillohet në qytetin kinez, Tianjin.
Wen Jiabao, është i bindur se Kina, si një anije e madhe ekonomike do të vazhdojë të ecë me hapa të shpejtë dhe të sigurtë drejt të ardhmes.
Ai theksoi se nga viti 2002 deri në 2011-n, Prodhimi i Brendshëm Bruto (PBB) shënoi një rritje mesatare vjetore 10.7 për qind dhe Kina zuri vendin e dytë, nga i gjashti, në shkallë globale, ndërsa PBB për çdo kinez u rrit nga mbi 1 mijë dollarë në 5432 dollarë.
Kryeministri shtoi se rezerva valutore e Kinës është mbi tre trilionë dollarë.
Wen Jiabao i bëri thirrje ndërkohë komunitetit ndërkombëtar të forcojë më tej bashkëpunimin për të nxitur rimëkëmbjen dhe stabilizimin e ekonomisë globale. (Du/ Ardi Pulaj)