Zëdhënësi i Ministrisë së Punëve të Jashtme të Kinës Hong Lei u shpreh të martën se Kina është e vendosur në qëndrimin e saj në mbrojtjen e sovranitetit territorial.

Kjo erdhi si përgjigje ndaj pyetjeve për ishullin Huangyan nga presidenti filipinas Korazon Akuino në raportin e tij vjetor.

Mësohet se më 23 korrik presidenti i Filipineve Korazon Akuino botoi një raport vjetor, nëpëmjet të cilit i kërkoi palës kineze të respektojë sovranitetin territorial të Filipineve.

Lidhur me këtë, Hong Lei tha se ishulli Huangyan është territor i padiskutueshëm i Kinës, është brenda konventës së OKB-së mbi ligjet detare dhe nuk mund të ndryshojmë faktin që ky ishull i përket Kinës. Pala kineze shpreson se pala filipinase do të bëjë më shumë përpjekje në zbutjen e tensioneve për ishullin Huangyan. (Vera/Albana)