Presidenti francez François Hollande shprehu të martën dëshirën që qytetarët grekët të votojnë në zgjedhjet parlamentare të qershorit për vazhdimin e qëndrimit të vendit të tyre në Eurozonë, sepse përndryshe, sipas tij, si Greqia, edhe Eurozona do të ndodhen para pasojave të rënda.

Ndërkohë, banka më e madhe tregtare greke, Banka Kombëtare e Greqisë, bëri të ditur po atë ditë në një raport të vetin se largimi nga Eurozona do t'i pakësojë me 55 % të ardhurave për frymë të grekëve. Gjithashtu, sipas raportit, ekonomia e vendit do të vuajë një rënie mbi 22 %, me një inflacion prej 30 %, kurse monedha kombëtare greke do të zhvlerësohet 65 % brenda një kohe të shkurtër dhe shkalla e papunësisë mund të arrijë në 34 %.

(Çan Yean/Artani)