Detyrë kryesore e kabinetit të ri është udhëheqja e vendit deri në zgjedhjet e ardhshme të parakohshme parlamentare.
Pas diskutimeve të së mërkurës të presidentit grek Karolos Papoulias me liderët e partive parlamentare, u ra dakord për kandidaturën e Pikrammenos, si kryeministër.
Në ceremoninë e betimit të kabinetit të ri, zoti Pikrammenos u shpreh se qeveria e përkohshme do të "ruajë rendin dhe qetësinë në këtë periudhë të vështirë për Greqinë".
Për shkak të shtimit të rrezikut të tërheqjes së Greqisë nga Eurozona, Agjencia e Vlerësimit Fitch Ratings njoftoi të enjten uljen e shkallës së borxhit afatgjatë të Greqisë nga shkalla B- në shkallën CCC. (Du/Leftion Peristeri)
