Kreu i një partie të vogël majtiste, Fotis Kouvelis, që kishte rolin vendimtar për krijimin e qeverisë së re greke, deklaroi se nuk ka marrëveshje për koalicionin. Presidenti i Greqisë, Karolos Papuljas i ka bërë të ditur Kouvelisit se shanset për krijimin e një koalicioni janë minimale.

"E Majta Demokratike bëri atë që mund të bëhej për të gjetur një zgjidhje, e cila do të përfaqësonte zgjedhjen e grekëve për t'u shkëputur nga memorandumi dhe në të njëjtën kohë të mbante Greqinë në Eurozonë", tha Fotis Kouvelis.

Udhëheqësit e partive pritet të takohen sërish, por kreu i Syrizas, Aleksis Tsipras refuzon të marrë pjesë. Nëse qeveria e re greke nuk formohet, zgjedhjet do të zhvillohet muajin e ardhshëm. (Ardi Pulaj)