Megjithëse ekziston ende mundësia për formimin e një qeverie koalicioni në Greqi, bankierët kryesorë të Eurozonës kanë nisur të bisedojnë mbi mundësinë dhe pasojat e daljes të Greqisë nga blloku i monedhës së përbashkët.

Anëtari i Këshillit Drejtues të Bankës Qendrore Europiane, guvernatori i Bankës Qendrore të Irlandës Patrick Honohan u shpreh se ndikimi i largimit të Greqisë nga Eurozona teknikisht mund të kontrollohet. Dalja e Greqisë me siguri që do të dëmtojë besimin e Eurozonës, por kjo nuk është një gjë fatale.

Komisioneri për çështje ekonomike dhe monetare i BE-së, Olli Rehn, shprehu bindjen e tij se nëse Greqia do të jetë në gjendje të zbatojë premtimet, atëherë ajo do të qëndrojë në Eurozonë. Ai theksoi se nëse Greqia do të largohet, humbjet e saj do të jenë më të mëdha se ato të vendeve të tjera të Eurozonës. (Zhan Dian/Albana)