Kreu i PASOK Evangelos Venizelos u shpreh të premten se përpjekjet e tij për krijimin e kabinetit rezultuan të pasuksesshme, duke shtuar se do t'ia kthejë presidentit Karolos Papoulias të drejtën e krijimit të kabinetit. Kështu dështuan përpjekjet e 3 partive, që morën numrin më të lartë të votave në zgjedhjet e 6 majit, për krijimin e qeverisë.

Presidenti i Këshillit Europian Herman Van Rompuy u shpreh se tani është koha vendimtare për Greqinë. Ai u bëri thirrje udhëheqësve grekë të mbajnë përgjegjësinë për të arritur konsensus për zbatimin e premtimeve.

Po atë ditë, ministri i Jashtëm gjerman Guido Westerwelle u shpreh se nëse Greqia largohet nga rruga e reformës, Bashkimi Evropian nuk do t'i japë ndihma të mëtejshme. (Fani)