Zëdhënësi i MPJ-së kineze Hong Lei u shpreh të mërkurën se Pekini nuk dëshiron që Filipinet të dëmtojnë më tej marrëdhëniet mes dy vendeve.

Duke iu përgjigjur pyetjes nëse incidenti i Ishullit Huangyan do të përshkallëzohet, ai tha se Kina ka vënë në dukje se Filipinet kanë vijuar në mënyrë rë përsëritur me deklarata të forta, të cilat mund të nxisin banorët filipinas, duke dëmtuar rëndë marrëdhëniet me Pekinin. Krahas kësaj, Filipinet nxisin banorët që të bëjnë protesta kundër Kinës. Kjo ka tërhequr vëmendjen e kinezëve si brenda, ashtu edhe jashtë Kinës.

Hong Lei theksoi gjithashtu se qëndrimi i Kinës për zgjidhjen diplomatike nuk ka ndryshuar dhe se Pekini fton sërish palën filipinase që të reagojë seriozisht ndaj deklaratave kineze, për t'u rikthyer sa më parë në rrugën e drejtë. (Jiang Lei/ Ardi Pulaj)