Sekretari i përgjithshëm i OKB-së, Ban Ki Moon, i cili po merr pjesë në Abu Dabi të Emirateve të Bashkuara Arabe në samitin e pestë botëror të energjisë së të ardhmes, u shpreh se qeveria kineze ka investuar shumë në zhvillimin e energjisë së qëndrueshme.

Sipas shefit të OKB-së, roli udhëheqës i Kinës për zbatimin e planit botëror "Çdokush ka të drejtën për të patur energji të qëndrueshme", është për t'u vlerësuar.

Ban Ki Moon shtoi se nëse çdo qeveri vepron si ekzekutivi i Pekinit, atëherë do të jetë i mundur realizimi i këtij plani botëror para vitit 2030. (Fani/ Ardi Pulaj)