Më 3 nëntor në mëngjes drejtori i përgjithshëm i Programit të Fluturimeve në Hapësirë me Kozmonaut të Kinës Chang Vanquan shpalli në qendrën e kontrollit në Pekin se është realizuar me sukses bashkimi i parë i laboratorit kozmik "Tiangong 1" me anijen kozmike "Shenzhou 8".
Kështu Kina është bërë vendi i tretë në botë që zotëron plotësisht dhe në mënyrë të pavarur teknologjinë e bashkimit në hapësirën ajrore pas ShBA-së dhe Rusisë.
Kina do të lëshojë në vitin 2012 edhe anijet kozmike "Shenzhou 9" e "Shenzhou 10", të cilat do të realizojnë edhe ato bashkimin në ajër me "Tiangong 1". Kryetari i shtetit i Kinës Hu Jintao, që ndodhej për vizitë jashtë vendit, dërgoi një telegram urimi për kryerjen e suksesshme të misionit të bashkimit të "Tiangong 1" me "Shenzhou 8". (Vera)