Presidenti i Këshillit Evropian Herman Van Rompuy, kreu i Komisionit të BE-së Jose Barroso si dhe liderë të vendeve të tjera të G20-s publikuan më 30 tetor një letër të përbashkët, në të cilën bënë thirrje për të bashkëpunuar mbi rregullimin e tregjeve financiare, për rritjen ekonomike dhe për stabilitet financiar. Në këtë letër, është premtuar gjithashtu që të zbatohen me rigorozitet një sërë masash të BE-së për përballimin e krizës së borxhit në Evropë.

Herman Van Rompuy dhe Jose Barroso u shprehën se Evropa do të zbatojë sa më parë një sërë masash përballuese të arritura më parë nga marrëveshja në samitin e BE-së. Ata theksuan gjithashtu se vetëm me fuqinë e Evropës nuk mund të garantohen mëkëmbja dhe balancimi i ekonomisë globale. (Jiang Lei)