Pas 3 vjetësh, himni kombëtar i SHBA-së u dëgjua përsëri në pallatin "1 gusht". Ishte 10 janar 2011. Në orën 10, një makinë tip "Benc" hyri ngadalë në pallatin "1 gusht" në Pekin, selinë e Komitetit Qendror Ushtarak të Kinës. Vizitor ishte Sekretari amerikan i Mbrojtjes, Robert Gejts. Ai është Sekretari i tretë amerikan i Mbrojtjes që e vizitoi dy herë Kinën.

Në sheshin jugor të pallatit u shtrua tapeti i kuq dhe grupi i pritjes së tre reparteve të Ushtrisë Çlirimtare Popullore të Kinës ishte gati.

Roberd Gejts bëri vizitë zyrtare në Kinë me ftesën e anëtarit të Këshillit të Shtetit të Kinës dhe ministrit të Mbrojtjes Kombëtare të Kinës Liang Guanglie. Gjatë vizitës 3 ditore në Kinë, Gejts zhvilloi shumë takime me shumë liderë të shtetit dhe të ushtrisë së Kinës dhe ata arritën mendim unanim lidhur me një gamë të gjerë problemesh. Opinioni publik ndërkombëtar është gjerësisht i mendimit se kjo tregon se janë ngrohur gjerësisht marrëdhëniet midis dy ushtrive. Më parë marrëdhëniet kanë qenë të ftohta për arsye se në fillim të vitit të kaluar SHBA-ja i shiti armë Tajvanit.