"Do të bëjmë përpjekjet më të mëdha për të shpëtuar njerëzit e bllokuar."
Fshati Zhaxidatong ka pasur më parë mbi 600 banorë dhe gjatë këtij tërmeti 120 prej tyre humbën jetën. Hu Jintao shkoi në çadra për të njohur gjendjen e jetesës së fshatarëve, duke u premtuar se qeveria do të rindërtojë vatrat e tyre dhe do t'i ndihmojë fëmijët të kthehen sa më parë në shkollë.
Pas largimit nga fshati Zhaxidatong, Hu Jintao shkoi në stadiumin e Yushu-së që është shndërruar në një pikë mjekimi të të plagosurve. Atje kryetari i shtetit i Kinës vizitoi të plagosurit që po marrin mjekim, duke u njohur me gjendjen e shpëtimit dhe të mjekimit të të plagosurve.
Pastaj Hu Jintao shkoi në shkollën e jetimëve të Yushu-së për të vizituar nxënësit e atyshëm. Hu Jintao u tha fëmijëve se qeveria do ta rindërtojë patjetër shkollën më të bukur dhe shkroi në tabelën e zezë fjalinë: "Do të kemi shkollë dhe vatër të re."
Pas këtyre vizitave, Hu Jintao drejtoi në komandën e shpëtimit nga tërmeti një mbledhje, ku dëgjoi raportet lidhur me gjendjen e shpëtimit dhe u kërkoi organeve përkatëse të bëjnë të gjitha përpjekjet për të shpëtuar banorët e prekur nga fatkeqësia dhe për të mjekuar të plagosurit, duke siguruar siguruar siç duhet jetën e banorëve.
Deri në orën 10 të 18 prillit, numri i viktimave të tërmetit arriti në 1706 veta. Tërmeti ka sjellë edhe 256 njerëz të humbur dhe mbi 12 mijë të plagosur. Njëkohësisht, deri më 17 prill, numri i shpëtuesve në zonën e prekur nga tërmeti arriti në mbi 15 mijë.
Sipas statistikave, deri tani banorët e prekur nga tërmeti kanë banuar në përgjithësi në çadra dhe mund të marrin ushqime e ujë të pijshëm, si edhe mjekimin e duhur. (Fani) (Artan)
