Më 17 nëntor kryetari i shtetit i Kinës Hu Jintao dhe presidenti i SHBA-së Barack Obama u takuan me korrespondentët. Gjatë takimit, Hu Jintao i theksoi Obamës se Kina dhe SHBA-ja kanë gjendje aktuale të ndryshme dhe është normale që ekzistojnë mospërputhje midis tyre. Kryesorja është respektimi i interesave thelbësore të njeri-tjetrit.

Hu Jintao tha se pala kineze vlerëson lart faktin që Obama ka theksuar herë pas here politikën e Një Kine, respekton tre komunikatat kino-amerikane dhe respekton sovranitetin dhe tërësinë e territorit të Kinës. Gjatë takimit të dyja palët ritheksuan qëndrimin e respektimit të sovranitetit dhe të tërësisë së territorit dhe mospërkrahjen e asnjë veprimtari të çfarë lloj force që dëmton këtë qëndrim.

Hu Jintao tha se të dyja palët do të zhvillojnë shkëmbimet e dialogut për të shtuar mirëkuptimin, për të pakësuar mospërputhjet dhe për të zgjeruar mirëkuptimin, me shpirtin e barazisë, të respektit të ndërsjellët dhe të mosndërhyrjes në politikat e brendshme. (U Sen)