Më 16 qershor sipas orës lokale, u zhvillua në Jekaterinburg të Rusisë takimi i liderëve shtetërorë të katër vendeve anëtare të BRIK-ut. Gjatë takimit, kryetari i Shtetit i Kinës Hu Jintao mbajti një fjalim të rëndësishëm.

Hu Jintao tha se BRIK-u është zhvilluar nga një nocion ekonomik në një platformë të re të bashkëpunimit ndërkombëtar dhe është bërë një forcë e rëndësishme në komunitetin ndërkombëtar. Në gjendjen e tanishme, katër vendet të BRIK-ut po përballohen me një rast të ri të zhvillimit dhe me një sfidë të madhe. Në fjalimin e tij, Hu Jintao bëri katër propozime për bashkëpunimin e mëtejshëm mes katër vendeve. Sipas tij, katër vendet anëtare të BRIK-ut duhet të forcojnë besim reciprok politik, duhet të thellojnë bashkëpunimin ekonomik, duhet të nxisin shkëmbime kulturore dhe njerëzore dhe duhet të nxjerrin mësime nga përvojat.

Lidhur me përballimin e krizës financiare, Hu Jintao propozoi që katër vendet duhet të përpiqen bashkë, për të nxitur mëkëmbjen e ekonomisë botërore dhe për të nxitur reformë në sistemin ndërkombëtar financiar.

Duke folur për masat e Kinës për përballimin e krizës financiare, Hu Jintao tha se këto masa do të kenë ndikime pozitive jo vetëm në ekonominë kineze, por edhe në ekonominë rajonale e botërore. (Jiang Lei)