Presidenti i Kinës Hu Jintao u takua me presidentin e Iranit Mahmoud Ahmedinejad më 16 qershor në Yekaterinburg.
Hu Jintao u shpreh se kanë ndodhur ndryshime të thella dhe komplekse në të gjithë botën. Të dyja palët përballen me krizën dhe rastin e zhvillimit. Në gjendjen e tillë, të dyja palët duhet të forcojnë bashkëpunimin mbi bazën e (1) mbajtjes së kontakteve në nivel të lartë, nxitjes së mirëkuptimit të ndërsjellët dhe zgjerimit të konsensusit; (2) shtimit të vazhdueshëm të bashkëpunimit tregtar, sidomos në fushën e bashkëpunimit energjetik; (3) komunikimit për të trajtuar krizën financiare ndërkombëtare dhe mbrojtjes së interesit të përbashkët të vendeve në zhvillim; (4) zgjerimit të komunikimit në fushën humanitare, përhapjes së miqësisë së thellë krijuar gjatë lidhjeve të hershme midis dy vendeve.
Mahmound Ahmedinejad u shpreh se ai tërësisht miraton këshillat e presidentit Hu Jintao për të zhvilluar marrëdhëniet dypalëshe. Ai shprehu se Irani dhe Kina kanë shumë interesa të përbashkëta. Të dyja palët kanë shumë mundësi bashkëpunimi. Marrëdhëniet midis Iranit dhe Kinës jo vetëm janë në dobi të dy palëve, por janë gjithashtu në dobi të rajonit dhe të botës. Ai shpreson që të dyja palët do të realizojnë mirëkuptimin e arritur, do të forcojnë komunikimin në funksion të bashkëpunimit, do të shfrytëzojnë mundësitë e krizës e tanishme dhe do të ngrenë vazhdimisht nivelin e bashkëpunimit tregtar. (Zhan Dian)(Artan)