"737 MAX" i "Boeing"-ut fillon provën për certifikatën e fluturimit

Pilotë dhe anëtarë ekuipazhi nga Administrata Federale e Aviacionit e ShBA-së dhe kompania "Boeing" do të zhvillojnë një provë treditore për certifikatën e fluturimit të aeroplanit të tipit "737 MAX".

Prova do të bëhet në aeroportin "Boeing Field" afër qytetit Siatëll, në kushtet kur gjiganti amerikan i prodhimit të aeroplanëve ndodhet para një krize të shkaktuar nga pandemia e COVID-19, që ka pakësuar udhëtimet ajrore dhe kërkesat për blerje avionësh.

Fluturimet e "737 MAX" u pezulluan vitin e kaluar, pas rrëzimeve në Etiopi dhe Indonezi që sollën mbi 300 viktima.

Pezullimi ka shkaktuar ngritjen e padive dhe hetime nga Kongresi amerikan, duke pakësuar një ndër burimet kryesore të të ardhurave të "Boeing"-ut.(Zhang Yan)