Xi Jinping bën vizitë inspektimi në Datong

Më 11 maj, presidenti kinez Xi Jinping bëri një vizitë inspektimi në provincën Shanxi të Kinës Veriore. Në fillim, ai vizitoi qytetin Datong për t'u njohur me masat e zbutjes e varfërisë. Pasditen e po së njëjtës ditë, presidenti Xi Jinping vizitoi bazën e mbjelljes së "zambakëve të ditës", një lule që përdoret në kulinari, por edhe në Mjekësinë Tradicionale Kineze.

Yunzhou ishte një distrikt i varfër i qytetit Datong, por vitet e fundit me shtimin e bazave të mbjelljes së zambakëve të ditës janë shtuar edhe të ardhurat e fshtarëve lokalë.

Pasditen e 11 majit, presidenti Xi bisedoi me disa fermerë që po kultivonin token, të cilët pohuan se vitet e fundit, cilësia e zambakëve ditore ka ardhur duke u përmirësuar, duke garantuar sasi dhe çmim të mirë për shitje. Shumë fshatarë të varfër gjeneruan të ardhura të mira falë kultivimit të kësaj bime. Xi Jinping u gëzua pa masë nga këto arritje dhe tha se zambaku duhet të bëhet "bima e artë" për zbutjen e varfërisë së masave popullore.

"Zambaku i ditës është një një bimë me ecuri të mirë. Duhet ta mbrojmë dhe ta zhvillojmë më tej këtë bimë, e cila mund t'i sjellë popullit më shumë të ardhura."

Pas largimit nga plantacionet e zambakëve të ditës, presidenti Xi vizitoi fshatin e ri "Fang Cheng", i cili është formuar nga bashkimi i dy fshatrave.

Në këtë fshat u zhvendosën 196 familje me 412 veta, 77 prej të cilave ishin familje të varfra. Pas formimit të këtij fshati, fermerët janë inkurajuar për të kultivuar zambakun e ditës, por edhe bimë të tjera. Deri në fund të vitit të kaluar, të gjitha familjet e këtij fshati kanë përfituar të ardhura mbi nivelin e varfërisë.

Xi Jinping ndaloi në familjen e fshatarit Bai Gaoshan, i cili e njohu presidentin me ndryshimet e mëdha të familjes së tij pas zhvendosjes në këtë fshat. Ai u shpreh mirënjohës për mundësimin e një jete të sotme të lumtur. Xi Jinping i tha se synimi i Partisë Komuniste kineze është lumturia dhe begatia e popullit.

(Xu Guang)