Xi viziton pacientët dhe mjekët në spitalin "Huoshenshan" në Wuhan

Presidenti kinez Xi Jinping shkoi menjëherë për inspektim në spitalin "Huoshenshan" pasi mbërriti të martën në Wuhan, epiqendra e shpërthimit të COVID-19.

Presidenti u njoh me funksionimin e spitalit, trajtimin e pacientëve, mbrojtjen e punonjësve mjekësorë dhe kërkimet shkencore atje.

Ai vizitoi gjithashtu pacientët që po trajtohen në këtë spital dhe takoi punonjësit mjekësorë që po luftojnë epideminë në vijën e parë, duke i inkurajuar ata të kenë besim në mposhtjen e epidemisë.

"Huoshenshan" është një spital me 1000 shtretër, i ndërtuar për vetëm 10 ditë për trajtimin e pacientëve të COVID-19.(Çang Çuo)