2018-11-15 11:20:57 | CRI | Komenti juaj | Printoni |
Kryeministri kinez Li Keqiang ka pasur bisedime dypalëshe me disa udhëheqës shtetërorë në Singapor, ku ai ndodhet për të marrë pjesë në një varg takimesh të ASEAN-it.
Gjatë takimit me homologun e tij australian Scott Morrison, Li Keqiang i bëri thirrje palës australiane të sigurojë një mjedis të drejtë dhe jodiskriminues biznesi për investitorët kinezë dhe për lehtësimin e investimeve dypalëshe.
Morrison-i tha se Australia mirëpret rolin pozitiv të Kinës në çështjet globale dhe rajonale, duke shtuar se nga zhvillimi i Kinës përfitojnë edhe vendet e tjera, duke përfshirë Australinë.
Ndërkohë, në një takim të liderëve për Partneritetin e Gjithanshëm Ekonomik Rajonal (RCEP), kryeministri Li bëri thirrje për të nënshkruar vitin e ardhshëm një pakt të ri të tregtisë së lirë të Azi-Paqësorit.
RCEP-i, që parashikohet të përfshijë 10 vendet e ESEAN-it, si edhe Australinë, Kinën, Indinë, Japoninë, Korenë e Jugut dhe Zelandën e Re, do të përbëjë gati gjysmën e popullsisë së botës dhe rreth një të tretën e GDP-së globale. (Du)