Xi Jinping, mesazh ngushëllimi homologut indonezian për sulmet terroriste

Presidenti i Kinës Xi Jinping i dërgoi një mesazh ngushëllimi homologut indonezian Joko Widodo për sulmet terroriste në Surabaya.

Në mesazh, presidenti Xi, në emër të qeverisë dhe popullit kinez si dhe në emrin e tij shprehu keqardhje dhe ngushëllime të thella dhe të sinqerta për viktimat e pafajshme dhe familjarët e tyre.

Ai theksoi se Kina kundërshton me vendosmëri çdo formë të terrorizmit. (Xu Guang/Albana)