Kina ul me 1.1 trilionë juanë taksat për vitin 2018

Qeveria kineze parashikon të ulë mbi 800 miliardë juanë taksa në vitin 2018 për ndërmarrjet dhe individët. Sipas raportit të qeverisë, i cili tani po shqyrtohet në komisionet parlamentare qeveria kineze do të pakësojë gjithashtu barrën jotatimore me 300 miliardë juanë.

"Ulja e konsiderueshme e taksave do të luajë një rol aktiv për të thelluar zbatimin e strategjisë për të nxitur reformën strukturore në krahun e ofertës, inkurajuar njerëzit të krijojnë, të ulur kostot e ndërmarrjeve dhe të përmirësuar mjedisin e biznesit," tha gjatë sesionit vjetor parlamentar një zyrtar i Drejtorisë së Taksave të Ministrisë së Financave të Kinës.

Sipas tij, në vitin 2018 do të ulen kostot për ekonominë reale dhe ato të sistemit të tregtisë, duke pakësuar ngarkesën e ndërmarrjeve. (Fang Xiaoyu/Leftion Peristeri)