Lidhja Arabe, takim urgjent lidhur me vendimin e mundshëm të ShBA-së për Jerusalemin

Lidhja Arabe ka vendosur të zhvillojë një takim urgjent të ministrave të saj të jashtëm të shtunën, për të diskutuar mbi reagimin ndaj njohjes së mundshme nga ShBA-ja të Jerusalemit si kryeqytet i Izraelit.

Vendimi për takimin është marrë në përgjigje të kërkesës së Palestinës, që është mbështetur nga Jordania.

Gjatë ditëve të fundit, Lidhja Arabe dhe shumica e shteteve arabe kanë paralajmëruar për "pasojat e rrezikshme" nëse ShBA merr një vendim të tillë për paqen, sigurinë dhe qëndrueshmërinë në rajonin e Lindjes së Mesme dhe mundësitë për një zgjidhje të konfliktit izraelito-palestinez.