2017-12-04 11:01:03 | CRI | Komenti juaj | Printoni |
Ambasadorja e Kinës në Shqipëri, Jiang Yu, mori pjesë në festimet e 105-vjetorit të pavarësisë dhe 73-vjetori të çlirimit të vendit. Në paraditen e 28 nëntorit, ambasadorja ishte e pranishme gjatë ceremonisë së ngritjes së flamurit në Sheshin e Pavarësisë të Vlorës. Pas ceremonisë, kryeministri Edi Rama dhe presidenti Ilir Meta shpallën çeljen e "Vitit Mbarëkombëtar të Skënderbeut."
Presidenti Ilir Meta i priti më pas të ftuarit në Pallatin e Brigadave, ku ambasadorja Jiang Yu i përcolli kreut të shtetit urimet më të ngrohta.
Në paraditen e 29 nëntorit, ambasadorja Jinag mori pjesë në ceremoninë e nderimit të dëshmorëve pranë monumentit 'Nënë Shqipëri'.
Gjatë qëndrimit të saj në Vlorë, ambasadorja e Kinës u takua edhe me kryetarin e Bashkisë së Vlorës, Dritan Leli, kryetarin e Bashkisë Selenicë, Përparim Shametaj dhe anëtarët e Shoqatës së Miqësisë Shqipëri-Kinë dega Vlorë. Kryediplomatja vizitoi gjithashtu shkollën e Mesme, Ali Demi, të Vlorës. (Wang Xianya)