GDP-ja e Kinës, rritje 6.9 % në tre tremujorët e parë të vitit

GDP-ja e Kinës në tre tremujorët e parë të këtij viti është rritur 6.9 për qind krahasuar me të njëjtën periudhë të vitit të kaluar, bëri të ditur të enjten Zyra Kombëtare e Statistikave e Kinës.

Prodhimi i brendshëm bruto i Kinës ka arritur në afro 60 trilionë juanë, ose rreth 9 trilionë dollarë amerikanë.

Të dhënat gjithashtu tregojnë se shitja me pakicë e mallrave të konsumit në Kinë në nëntë muajt e parë të vitit është rritur me 10.4 për qind në krahasim me të njëjtën periudhë të vitit të kaluar, ndërsa prodhimi industrial me vlerë të shtuar 6.7 për qind.