Provinca Hebei, fushatë për zbulimin dhe ndëshkimin e ndotësve të mjedisit

Autoritetet e provincës Hebei të Kinës kanë nisur një fushatë gjashtë mujore për të zbuluar dhe ndëshkuar krimin që lidhet me ndotjen e mjedisit, me qëllim që të përmirësojë cilësinë e mjedisit e sidomos të ajrit gjatë dimrit të ardhshëm.

Në qendër të punës është zbulimi i hedhjeve të paligjshme të mbetjeve të rrezikshme, fabrikat e vogla ndotëse dhe manipulimi i të dhënave të vrojtimit nga kompanitë që shkaktojnë emetime në mjedis.

Hedhja e paligjshme e mbeturinave të rrezikshme është krimi më i zakonshëm mjedisor, që përbën mbi 70 për qind të rasteve që lidhen me ndotjen e mjedisit në këtë krahinë.

Policia e provincës Hebei ka trajtuar deri tani për këtë vit mbi 700 çështje që lidhen me ndotjen dhe ka arrestuar rreth 13 qind të të dyshuarve për këto krime. (Leftion Peristeri)